Dilzawl khaw naupang kum 5 mi Cicilya Laltleipuii d/o Rosiama chu lungpawp in rei tak alo damlo tawh a, dinhmun thalo taka awmin an chhungkua pawh an harsa khawp mai. A pualin mipuite khawngaihna kan lo ngen sak e. Naupang tê anih lai atangin a kaih thin a, kum 2018 a doctor an pan khan lungpawp a ni tih hriatchhuah a ni. Doctor chuan phai lam pan vat turin ti mahse, an harsat em avangin tun thlengin an la pan thei lo a ni. Khua a vawh hian a taksa a duk vek thin a, a thaw te hah telin chaw pawh a ei mumal hlei thei thin lo. Tin, thawm bengchheng a ngai thei lova, a tap tawp mai thin a ni. An unau hi 3 niin amah hi a upa ber a ni a, an harsat em avangin electric connection takngial pawh an la nei thei lo a ni. A pa hi lo nei a ei zawng a ni e.

He hmeichhe naupang kum 4 mi Hlutei hi a nu khawlai fa a ni a, a nu chuan a boralsan tawh a ni. Tunah hian damdawiin pakhat ICU ah thluak a TB lut avangin enkawl mek a ni a, a pualin mipui te khawngaihna kan lo ngen sak e. An chhûngkaw chanchin : Hlutei hi November ni 5,2021 khân a nu in a hring a, mahse a enkawl zui theih loh avangin kum 1 a tlin hma in a pu kum 80 mi hnenah a hnutchhiah a, chuta tang chuan an putu chauh in an khawsa a ni. A nu leh pa hi zu bawih a tâng veve niin neih pawh an innei lova, a nu hi mipa lama chak lo tak a ni bawk. Tin, a zu leina turin an chenna in thlengin a hralh zo vek a, a pawi takzet a ni. Hlutei hian a pa chanchin engmah a hre zui lova, tun thlengin tunge a nih, khawnge a awm, ala dam em tih engmah a hre lo. A nu’n a boralsan : A nu chu karkhat danah te in ah a va haw leh thin a, mahse inah a awm rei ngai lo. Khawlai a tâlin hun a hmang kual a, sual chuan nasa taka bei zelin a do zo ta ngang lo. Kumin 2025 February thla khan Aizawl Civil Hospital ah ah a boralsan ta a ni. A damloh dan : Kumin 2025 October thla khân khawsik a dam lovin in lamah a pu nen an inenkawl a, mahse ziaawm lam a pan theih loh avangin an khaw YMA, VC leh thenawm mi tlawmngai te ruahmanna in October ni 26,2025 khan Aizawl lam panpui a ni. Doctor ten Investigation hrang hrang an tih anih hnuah Thluak a TB lut a ni tih an hre chhuak a, a zual zel avangin ICU ah sawn luh a ni a, dinhmun thalo takah a awm mek a ni. Engmah a ei thei rih lova, a khua a sik reng bawk a ni. Inenkawlna tur sum leh pai an neih loh bakah an harsat em avangin a pualin mipui te khawngaihna kan lo ngen sak a ni. A hnuaiah thilpek pek theihna kan lo tarlang e : Google Pay : 8119035081 UPI : 2462998a@bandhan Bank Name : Zo Inspiration Foundation Account no : 20100029765424 IFSC : BDBL0002267 Bank name : Bandhan Bank Branch : Chanmari Branch

Thla 2 chuang liam ta khan an unau zinga an mi lai taksa chu a bawl tan a, chumi hnuah midang 2 te pawh in tan lehin an unau 3 chu an pân chhuak deuh vek a, an pi ngaih thalo chuan sikul pawh kal tir zui rih lova, thla 2 chauang an in khung tawh. An kut, ke, beng, lu leh kap thlengin a pan chhuak a, a changin an an ti zual thin hle. Sikul an kal loh rei em avangin an zirtirtu te ngaih thalo chuan an va tlawh chhuak a, an chanchin an lo thlen sak ta a. Keini lam pawn vawi 3 chu kan va tlawh chhuak tawh a, theih ang angin kan in buaipui ve mek a ni.

nufa chuan chenna tur nei lovin Aizawl veng pakhat ah an makpa te an fin a, mahse kar hnih vel an awm ho hnuah inluah man thla 2 chuang an lo pek theih tawh loh avangin chhuah tir an ni. Pan tur an neih loh avangin silpaulin pawt chawpin chutah ei rawng an va bawl a, mahse zan riah êm chu nilo deuh a hria in an in luah sir varandah ah nizan an va riak leh a ni. An veng YMA te be rawnin Pi Parmawii leh a fate 6 chanchin chu theih ang angin kan han zirchiang a, hmalaksak ngai ni a hria in mipui te hnenah vehbur kan lo kawnsak a ni. An upa ber hi kum 13 mi niin a naupang ber hi kum 2 chauh a upa ala ni. An nufa tana thilpek pe duh leh remchang te tan a pek theihna kan lo tarlang a, pe remchang hrih lo te pawn kan post in mi tam zawk a thlen theih nan min suan kual pui turin kan ngen a che u. Thilpek pe duh te tan a pek na : Google Pay : 8119035081 UPI : 2462998a@bandhan Bank Name : Zo Inspiration Foundation Account no : 20100029765424 IFSC : BDBL0002267 Bank name : Bandhan Bank Branch : Chanmari Branch

Ka pi hi Pi Lalnunziri kum 37 niin Tuichawngtlâng, Lawngtlai District a khawsa an ni a, fa 5 neiin hmeithai a ni a, tunah hian natna khirh tak tuarin Lawngtlai a LCMC ah enkawl mek a ni. Kum 2022 atang khan a mit(eye) ding lam ah bawk a awm tan a, a bawk hi zual zelin vawi khat chu zai a ni tawh nghe nghe. Mahse, an zai hnu hian bawk insiam lehin a zual zel a, a nasa tulh tulh a ni.

Henry-a te unau chanchin hi uluk takin kan han zirchiang a, tunah hian belh tur mumal nei lova awmin an dinhmun a harsa hrih hle. An dinhmun khirh zual chhûng atan an unau sikul fee tur te, an chawhmeh leh in chhûng mamawh lei khawmna tur tal alo tlin khawm takin tiin an pualin vehbur kan lo khawnsak a ni. Kan lo tarlan tawh angin, nu leh pa an nei tawh lova, an pa boral hnuah an nu chuan July ni 15,2025 khan a boralsan ve leh a, an upa ber Henry-a hi a college ban veleh KFC ah a inhlawh thin a, chu chu an unau in nghahna a ni hrih a ni. An nu ralna sum tlemte bak kawlsa a mang an nei lova, an unau zinga Henry-a bak chu tumah hna han thawk a inhlawh thei an la awm lo a ni. An nu damloh lai atang tawhin hmalaksak kan han tum tawh thin a, mahse Henry-a chuan "theih tawp ka han chhuah phawt anga, ka theih tak ngang loh chuan kan in nghahna in ni e" tiin thu min hnutchhiah a. Chumi bawhzui a hma lo la kan ni pakhat e. An unau hian Aizawl veng pakhat ah mi in hnuai zim te an la luah mek a. Henry-a hian a naute home lama dah mai te rilruk deuh thin mahse, an in hmangaih em avangin hmun hrana a naute awmtir chu harsa a tiin enkawl ala tum ve fan rih a ni.

Kumin 2024 July thla khan an nu in pasal dang a um san a, an harsat em avangin chawei tur an nei lova, thawmhnaw mumal pawh an nei lo. An pa Pu Lalnunzira chuan an khaw hnai ber Damdawiin ah an unau in a tlan luh pui a, a fa hmeichhia pakhat chu a serious em avangin Aizawl alo pan pui a. Mahse, mipa pahnih te chuan enkawltu tur an neih loh avangin Mamit home ah a hnutchhiah a ni. Vawiin September ni 4,2024 khan an unau hian home ah kan zu tlawh a, an lo tlangval tawhin an hmel hmuh a nuam tawh khawp mai. An unau hmeichhe dang 2 te pawh hi an khua ah an pa hovin an awm mek a ni. An unau pual hian thilpek alo lut nual a, hengte hmang hian a pa hova an chhungkua in bul thar an ṭan theih nan theihtawp kan chhuah mek zel e.

Durtlang, Leitan South a khawsa Annie Malsawmtluangi(17) d/o Zomuanpuii chu vanduaithlak takin a hnar leh mit ding lam a cancer hlauh mai a, tunah hian NEIGRIHMS Hospital, Shillong ah a nu nen an inenkawl mek a ni. Annie-i hi a nu in a enkawl a, a nu hi Durtlang Synod Hospital ah a inhlawh thin a. Kumin 2025 HSLC result chhuakah Annie-i hi second division ah alo pass ve a ni. Kumin March ni 24, 2025 khan a mittui a tlak thin avangin, a nu nen Durtlang Synod Hospital ah an han inentir chu doctor ten damdawi ni 10 ei tur an lo chawh a. An ei zawh hnuah an han kal leh chu, MRI ti turin an lo hrilh a, chumi an tih hnuah April ni 10 khan Doctor ten a result an han en a, a hnar sinus ah bawk(tumor) a insiam tih an hre chhuak ta a ni, a bawk chu chak takin a thang tih an hmuchhuak bawk. Chumi bawk(tumor) chuan a luruh a lo ti mawih tel hman a, biopsy an tih hnuah vanduaithlak takin Cancer chak chi a ni tih an hrechhuak leh a ni. An thenawm te pawisa puk chawpin, an nufa chuan Doctor te rawn angin April ni 21, 2025 khan Shillong an pan thla a, tun thlengin chemo an khai mek zel a, an khai zawh fel hunah zai ngam a nih leh nih loh a hriat theih dawn a ni.

He mipa naupang hi kum 13 mi niin an khua Middle sikul ah pawl 5 a zir ve mek a, a vun hi a pian tirh atanga in tan tawh a ni a. That lam han pan ve dawn thin mahse hma a sawn lutuk hlei thei lo a ni. A pian hlim khan puanin an tuam a, a tuamna puan thlak an han tum chu a vun a in khawk vek a, thla 1 chuang chu damdawiin ah an awm phah nghe nghe a ni. A vun awm dan hi inthlak ve rengin tunah chuan a ziaawm rih viau a, mahse dam lam erawh a pan hlei thei meuh lo. A naupan zual lai chuan a changin a khua te a ti sik hial thin a ni. Thlalak a kan hmuh hi tun hnaia a a vun awm dan a ni , a vun a tlak hian lung te ang maiin a awm thin niin an sawi a ni. Doctor pawh vawi tam an lo panpui tawh a, chung zingah chuan Dr. Zonuna hi pan bera neiin ani hian vawi tam an damdawi man tur a thlawnin alo pe tawh thin bawk. A pual hian kum 2021 khan hma kan lo la tawh a, mahse tun hnaia kan zirchian hian hmalak nawn leh a mamawh hle niin kan hria a, inthlahrung takin hma kan lo lasak leh a ni e. Thilpek lo luh dan a zirin phai lamah hmun changtlung zawk panpui kan duhsak khawp mai, engkim hi Pathian thu thu a ni e. A chanchin hriatchian duh nei tan hemi number 7085844464 emaw 7005628279 ah kan biak theih e.

He fahrah unau mipa te hi Mizoram khaw pakhat a khawsa an ni a, a upa zawk hi kum 12 mi niin a naupang zawk hi kum 8 a ni a, an khua an pawl 1 leh Kg an zir ve mek a ni. Khawsak harsatna avangin an thiante angin sikul hi an lut hma ve theilo a ni. An nu hian an pa damlai khan an pafa pasal dang a um san a, chumi hnuah vanduaithlak takin an pa chu kum 2023 November ni 30 khan kal(kidney) tha lo avangin a boral ve leh a. Tunah hian an khua a an ni te bulah an khawsa ve mek a ni. A upa zawk hian an sikul chawlh leh hunawl remchang ah an venga mi pheikhawk chhia siamin a inhlawh ve thin a, a hlawh te hmangi

He naute Eunik Lalpekhlui d/o Lalduhthlanga hi kum 3 mi niin Kolasib, Hmar veng a khawsa an ni a. Vanduaithlak takin a thisen a cancer ve palh hlauh mai a, a nu pawh chikawng bâwk leh kal a lungte awm a ni a, tunah hian Zemabawk Cancer Hospital ah an nufa in an inenkawl ve mek a ni. A luak bakah a lu te nâ tiin hrehawm a ti thin hle a, chemo lakna tur takngial pawh an nei mumal tawh lova, mi thilpek tlingkhawm hmangin an la inenkawl ve bek bek a ni. Chemo vawi khat an lakna ah hian cheng ₹50,000/- an seng a, a vawi hnihna ah cheng 30,000/- an seng ve leh a ni. Tunkar zirtawpni hian chemo an khai leh dawn a ni. Vawi tam chemo lak ala ngai a, chuvangin a inenkawl zel nan leh alo dampuina anih beiseiin in khawngaihna kan lo ngen sak e.

He hmeichhe naupang kum 12 mi Edenthar-i d/o Daniel Vanthanga hi Zawngtetui, Champhai District khua ah an khawsa a. An khua a sorkar sikul ah pawl 8 a zir ve mek a ni. Nikum 2024 November thla tawp lam khân a sikul bâng chu a chau thin hle a, chutia a awm tak fo hnuah chuan a nu leh pa ten Champhai Civil Hospital an pan pui ta a. Karkhat vel an awm hnu chuan ZMC ah an refer a, investigation hrang hrang tih anih hnuah 'Thisen Cancer' a ni tih an hrechhuak a ni. An unau hi 5 niin amah hi a mi lai a ni. A pa hian inhlawhfa chawpin a fate a chawm a. Chhungkaw khawsak harsa ve tak an ni e. Kumin 2025 January ni 20 khan ZMC atanga chhuakin Zemabawk Cancer Hospital ah admit a ni a, a nu nen tun thlengin an la awm dun hrih a ni. Vawiin January ni 27,2025 khan kan va tlawh a, an hmachawp atan thilpek cheng ₹5,000/- kan va hlan e. Eden-i hi kum naupang tê la ni mahse a rilru a chhelin dam a tum ruh hle a, vawiin a kan va tlawh pawn tawngtaina te a hmang a, a puitling kan ti takzet a ni. Alo dam thuai theih nan in tawngtaipuina kan ngen e. Eden-i puala thilpek pe duhte tan thilpek pek theihna kan lo tarlang e. G-Pay : 8119035081 (Zoinspiration Foundation) UPI ID : 2462998a@bandhan AC : 20100029765424 NAME : ZOINSPIRATION FOUNDATION IFSC : BDBL0002267 BANK : BANDHAN BANK BRANCH : CHANMARI BRANCH