AN CHANCHIN TLANGPUI
Pu Lalnunzira te pafa hi 2024 July thla khan an nuin pasal dang a umsan a. An dinhmun a harsat em avângin chaw ei tûr an nei lova, thawmhnaw hak tur mumal pawh an nei loin an awm a. Pu Lalnunzira chuan an khaw hnai ber damdawi inah an unauin a tlan luhpui a, a fa hmeichhia pakhat chu a dinhmun a serious em avângin Aizawl a lo panpui a. Mahse, mipa pahnihte chuan enkawltu tûr an neih loh avângin Mamit Home-ah a hnutchhiah a ni.
September ni 4, 2024 khan an unau hian Home-ah kan zu tlawh a, an lo tlangvalin an hmel hmuh a nuam tawh khawp mai. An unau hmeichhe dang pahnihte pawh hi an khuaah an pa hovin an awm mek a ni.
An unau pual hian thilpêk a lo lût nual a, hêngte hmang hian a pa hova an chhûngkuain bul thar an ṭan theih nân theihtâwp kan chhuah mêk zêl e.
VEHBUR KHAWNSAK AN NI
Pu Lalnunzira te pafa pual hian vehbur khawnsak a ni a, July ni 23,2024 khan Kananthar khua a mi Pu Lalnunzira te pafa puala thilpek lo lut cheng ₹7,35,264/- chu Aizawl Civil Hospital, Pediatric ward ah a hlanna kan va nei e. An hman chawp atan Rs ₹20,000/- chu a sumfai(cash) in kan hlan a, a bak erawh a ṭhahnem tham avangin a him zawk nan te, ṭangkai leh awmze nei zawka an hman theih nan te buaipui(monitor) chhunzawm pui tur an ni a, Aizawl alo pan pui a fanu hmeichhia kum 5 mi pawh Pathian zarah a nula tawh hle a, a pum a tui/hnai awm te pawh tunah chuan a awm tawh lova. A hmel hmuh a nuamin a harh ṭha tawh khawp mai.
A fanu upa ber hi Kawrthah a mi ṭhahnem ngai ten an lo la awmpui a, mipa 2 te erawh Mamit a home pakhat ah alo hnutchhiah avangin an la awm ve mek bawk.
Damdawiin aṭanga an lo chhuah hunah a fate nen nun bul thar an ṭan theih nan theih tawp chhuah a hmalak pui tum an ni a. An eizawn bul ṭanna tur te, a fate zirna atan te, an chhungkaw mamawh phuhruk nan te hmalak tum a ni e.
AN CHENNA IN TUR SAK A NI
May ni 7,2025 khan Pu Lalnunzira te pafa chenna in tur chu mi inphal te thilpek lo thawhkhawm hmangin Rengdil khua a VC te inhmun min pekah a sak hna kan tan a ni a, an khaw VC leh YMA te bakah NGO hrang hrang ten thahnem ngai takin min lo buaipui a, Foundation staff thenkhatin kan riahchilh bawk a ni
Inhmun hi VC ten min ngaihtuahsak a, a len zawng hi 24ft x 16ft niin a hmun hmain a zir bakah thilpek lo lut a awm nual avangin kan hna a chak phah hle bawk a ni.
June ni 21,2025 chawhnu dar 2:30pm khân an chenna mi huan thlâm atangin Rengdil khua a an chenna in thar nuam takah an in sawn lut ta. hemi ni hian he in hi a hawnna neih niin Rengdil bialtu pastor Rev. Lalhunmawia Pachuau chuan Pathian hnena hlanna min neihsak a ni. A sakna senso zawng zawng chu cheng ₹4,33,358/- a ni e.
