Kumin 2024 July thla khan an nu in pasal dang a um san a, an harsat em avangin chawei tur an nei lova, thawmhnaw mumal pawh an nei lo.
An pa Pu Lalnunzira chuan an khaw hnai ber Damdawiin ah an unau in a tlan luh pui a, a fa hmeichhia pakhat chu a serious em avangin Aizawl alo pan pui a. Mahse, mipa pahnih te chuan enkawltu tur an neih loh avangin Mamit home ah a hnutchhiah a ni.
Vawiin September ni 4,2024 khan an unau hian home ah kan zu tlawh a, an lo tlangval tawhin an hmel hmuh a nuam tawh khawp mai. An unau hmeichhe dang 2 te pawh hi an khua ah an pa hovin an awm mek a ni.
An unau pual hian thilpek alo lut nual a, hengte hmang hian a pa hova an chhungkua in bul thar an αΉan theih nan theihtawp kan chhuah mek zel e.
πππ π πππππππππ ππ ππππ πππ π π πππ πππππ πππππππ ππ πππ ππ βΉπ,ππ,πππ/- πππ ππ ππππ :
July ni 23,2024 khan Kananthar khua a mi Pu Lalnunzira te pafa puala thilpek lo lut cheng βΉ7,35,264/- chu Aizawl Civil Hospital, Pediatric ward ah a hlanna kan va nei e. An hman chawp atan Rs βΉ20,000/- chu a sumfai(cash) in kan hlan a, a bak erawh a αΉhahnem tham avangin a him zawk nan te, αΉangkai leh awmze nei zawka an hman theih nan te buaipui(monitor) chhunzawm pui tur an ni ang.
Aizawl alo pan pui a fanu hmeichhia kum 5 mi pawh Pathian zarah a nula tawh hle a, a pum a tui/hnai awm te pawh tunah chuan a awm tawh lova. A hmel hmuh a nuamin a harh αΉha tawh khawp mai.
A fanu upa ber hi Kawrthah a mi αΉhahnem ngai ten an lo la awmpui a, mipa 2 te erawh Mamit a home pakhat ah alo hnutchhiah avangin an la awm ve mek bawk.
Damdawiin aαΉanga an lo chhuah hunah a fate nen nun bul thar an αΉan theih nan theih tawp chhuah a hmalak pui tum an ni a. An eizawn bul αΉanna tur te, a fate zirna atan te, an chhungkaw mamawh phuhruk nan te hmalak tum a ni e.
June ni 5,2025 khan kum 2024 July thla a hma kan lo laksak tawh, Pu Lalnunzira te pafa kan va tlawh e. Pu Zira fa dangte hi sikul an lokal avangin kan hmu remchang thei talo a ni.
Khaw pawn a mi huan thlΓ’m electric pawh luh lohna ah an khawsa ve mek a. An pafa tan hian chenna in kan sa mek a, karleh lamah an luah luh theih tawh beisei a ni.
May ni 7,2025 khan Pu Lalnunzira te pafa chenna in tur chu mi inphal te thilpek lo thawhkhawm hmangin Rengdil khua a VC te inhmun min pek ah a sak hna kan tan a ni.
An khaw VC leh YMA te bakah NGO hrang hrang ten thahnem ngai takin min lo buaipui a, keini lam atangin riahchilh kan awm bawk e.
Rengdil khua a Pu Lalnunzira te pafa chenna in tur chu mi inphal te thilpek hmangin kan sak chhunzawm mek zel a ni.
Inhmun hi VC ten min ngaihtuahsak a ni a, a hmun hma in a zir bakah, thilpek lo lut a awm nual avangin kan hna a chak a, a zatve aia tam mah zawh a ni tawh a ni.
ππ ππππ ππ πππ π πππ πππππ πππππππ ππππππ ππ ππππ ππππ πππππ ππ ππ ππππ πππ ππ
June ni 21,2025 chawhnu dar 2:30pm khΓ’n an nu in pasal dang a Γ»msan Pu Lalnunzira te pafa chu an chenna mi huan thlΓ’m atangin Rengdil khua a an chenna in thar nuam takah an in sawn lut ta. Nimin vek khan he in hi a hawnna neih niin Rengdil bialtu pastor Rev. Lalhunmawia Pachuah chuan Pathian hnena hlanna min neihsak a ni.
He chenna in hi May ni 6,2025 khan a sak hna kan tan a, June ni 13,2025 khan sak zawh niin fur lai anih avangin duh angin hna a chak thei lo a ni. A sakna senso zawng zawng chu cheng βΉ4,33,358/- a ni e.
Pu Zira te pafa hi nikum kum tawp lam khan an nu in pasal dang a Γ»m san a, chumi hnuah a fate chu natna khirh tak tuarin an dam lo a, a then chu thi in an luak hial bawk. Zai pui te an hmachhawn hnuah hun eng emaw chen chu mi inphal te thilpek hmanga enkawl an ni a, tunah chuan an dam tha leh vek tawh a ni.
Nimin chawhma lam thleng khan mi huan thlΓ’m current pawh luh lohna ah an la khawsa a, thosi a tam bakah a fate sikul kal nan pawn a hla emem a ni. Mahse, tunah chuan Pathian leh mi inphal te zarah chenna in thar an nei tawh a, kan lawmpui khawp mai. An eizawnna turte pawh a remchan dan anga la buaipui zel tum an ni.
