Blogs
Kan beneficiary boral ta Malsawmhlui (L) puala chenna In thawmthat (renovate) hawnna leh Pathian hnena hlanna neih a ni.
Vawiin April 6,2026 khan Seling khua a kan beneficiary boral ta Malsawmhlui (L) puala thilpek lo lut atangin a kalsan a pu leh a unaupa te chenna in thawmthat(renovate) hawnna leh Pathian hnena hlanna neih a ni.
Malsawmhlui hi a nu khawlai fa niin a pa pawh a hre lova, a nu hian alo boralsan tawh a n. A pu
chuan an unau in a enkawl a, Hlutei hi thluak TB avangin ZMC&H ah hun eng emaw chen enkawl a ni a, kumin January 1,2026 dar 1:50pm khan a boral ta a ni.
He in thawmthatna ah hian Seling YMA leh VC te bakah an thenawm khawveng te tawiawmna kan dawng nasa emem a, kan lawm takzet a ni.
An in chhung mamawh te ngaihtuahsak mek an ni a, a tul leh an mamawh anga la buaipui zui zel tur an la ni e.
Apr 07, 2026
Read more
KHAWZAWL AH HMEITHAI CHENNA IN MI INPHAL TE THILPEK HMANGA SAK HAWNNA NEIH A NI
KHAWZAWL AH HMEITHAI CHENNA IN MI INPHAL TE THILPEK HMANGA SAK HAWNNA NEIH A NI
March 30, 2026 khan Khawzawl, Kawnzar veng a hmeithai Pi Lianngaihzami leh a fate chenna in tur mi inphal te thilpek lo lut ‘General Operating Fund’ cheng ₹4,57,333/- hmanga sak chu a hawnna neih a ni a, an bialtu pastor Rev R Lalrinmawia chuan Pathian hnena hlanna min neihsak nghal a ni.
Pi Zamtei fate hi pali (4) an ni a, a upa ber dawttu hi mipa niin a mit a del avangin Special Blind School, Aizawl ah a awm mek a ni. A fa dangte pawh an felin lehkha an zir taima emem a, an nu hi mi huanah te a inhlawh kual lawp lawp thin.
He in sakna hmun hi an khaw VC te min pek a ni a, March 10, 2026 khan a sak hna tan a ni a, March 28, 2026 khan Pathian leh mi tlawmngai te zarah kan zo fel thei ta a ni.
An veng YMA leh VC ten theih tawp min chhuah pui a, YMA section hrang hrang te chu an lo in hnatlan chhawk thin a ni. Tin, tui leh electric connection pawh a theih chin chin tihfel sak nghal an ni a. An bialtu SDO leh sawrkar lama thuneitu te pawn theih tawp min chhuahpui a ni.
Pi Zamtei te nufa hian an veng ‘YMA In’ a thlawna luahin hun eng emaw chen an lo khawsa tawh thin a, nikum 2025 Christmas Charity Ride kan neih laia in chhar fuh kan ni.
Chenna In thar an nei hi kan lawmpui takzet a, Pathian malsawmna dawnga hma sawn zel turin duhsakna sang ber kan hlan e.
Apr 07, 2026
Read more
ISUA lim ker (carving) cheng nuai khat 1,00,000/- in a chhang
LA Sign Maker, Chanmari te chuan miharsa zawkte tanpui nan thing hmanga an ker Isua lem mawi tak an lo donate a, a hlu kan tiin kan lawm takzet a ni.
Hei hi a lo donate tute rilru angin hmeichhe naupang pakhat cancer avanga inenkawl mek tanpuina tura lilam(auction) a ni a, a chhang huai ber hnenah pek a ni ang.
Hrechiang duh leh he auction chhâng duh kan awm chuan hemi number 7005628279 ah kan biak pawh theih e.
Mar 19, 2026
Read more
Pu David Lalremruata nupui Pi Lalngaihi chuan chhul cancer avangin min boralsan
Tukin March ni 14,2026 dar 6:30am khan kan beneficiary Pu David Lalremruata nupui Pi Lalngaihi chuan chhul cancer avangin min boralsan ta a ni.
A pasal hi a taksa a thisen kal(blood circulation) fello avanga kut leh ke mawih thin a ni a, a nupui hi amah enkawltu ber a ni.
Chutiang anih laiin an nu ber a cancer leh ta si a, an harsatna a thuah hnih khawp mai. An pafa Lalpan vengin thlamuan mawlh rawh se.
Mar 14, 2026
Read more
Kum 52 mi enkawl leh buaipuitu mumal nei lovin a awm.
Ka pu hi kum 52 mi a ni a, mi thlâm ah mahni in alo khawsa tawh thin a, kan thu dawn danin a chhung leh khat zawng zawngin an boralsan vek tawh a ni.
Kumin February ni 22 khan a pum a na vak mai a, an khaw welfare ten Aizawl Civil Hispital an panpui a, a pumpui a pawp tih hriat niin zai nghal a ni.
Damdawiin ah enkawl leh buaipuitu mumal nei lovin a awm a, buaipui zui kan tum laiin vanduaithlak takin March ni 6,2026 chawhnu lam khan a na tuar lovin min boralsan ta a ni. Thlamuang takin chawl rawh se.
Mar 08, 2026
Read more
MIT CANCER DINDINI ENKAWL NAN THILPEK CHENG ₹6,43,088/- LAI A LO LUT
Zotuitlang khaw tleirawl kum 14 mi K Lalramdinpuii d/o K Vanlalhruaia enkawlna tura thilpek lo lut zawng zawng chu cheng ₹6,43,088/- lai mai a ni a, hengte hi March 11,2026 khan an damdawiin awmna Medica Hospital, Mukandapur, Kolkata ah a hlanna kan zu nei a ni.
Dindini hian zaipui a hmachhawn leh tawh a, a mit ding lam vung nasa tak mai chu paihsak a ni a, a enkawlnan kum khat(1) vel Kolkata ah an pafa a an awm angai dawn a ni.
Doctor chuan a natna hi Cancer chak ber chi a nih thu a sawi a, mahse a mit an zai hnu khan beiseina êng tak kan neih thu te sawi lehin heng thilpek te hmangin a nunna kan chhan theih ngei a beisei nghet hle a ni.
Kan lo tarlan tawh angin Dindini hi pawl 6 zirlai a ni a, lehkha zia taima tak a ni thin. Mahse, a natna avangin engmah a zir zawm thei tawh rih lo a ni.
A pa chuan “mipui te hnenah lawmthu min lo sawisak mawlh mawlh rawh u aw, heng an thilpek te hi kan dampui ngei ang” tiin thu min lo hmutchhiah a ni.
Dindini puala phal taka thilpek lo petu zawng zawngte Lalpan a let tam takin malsawm che u rawh se.
Apr 02, 2026
Read more
PAWL 6 ZIRLAI DINDINI MIT CANCER ENKAWL NAN VEHBUR KHAWNIN HMA KAN LO LAKSAK E
He hmeichhe naupang hi kum 14 mi K Lalramdinpuii, Zotuitlang khua a khawsa an ni a, pawl 6 a zir laiin a natna avangin a zir zawm thei tawh rih lova, tunah hian Kolkata ah a pa nen an inenkawl mek a ni.
Kum 2025 September thla tawp lam khan a mit atangin mittui a tla tan a, vawi eng emaw zat a tlak hnuah Aizawl lo panpui a ni. February 7,2026 atang khan a mitin khua a hmu thei tawh lova, a vung nasa tial tial a, a mit atangin thi te a chhuak thin bawk.
Doctor thurawn angin, neih thinglung khawngin kumin February thla khan a pa Pu K Vanlalhruaia nen an pafa in Kolkata an zu pan a, Medica Hospital, Mukandapur ah admit a ni.
Test hrang hrang tih nghal a ni a, tunkar kalta thawhlehni March 3,2026 khan a test result alo chhuak a - vanduaithlak takin a mit chu a cancer a ni tih hriatchhuah a ni.
Dindini puala thilpek pe duh leh remchang te tan a hnuaiah thilpek pekna kan lo tarlang e.
Mar 09, 2026
Read more
Lu ruh khi avanga zai ngai Pu Israel Lalramnghaka
Nimin February ni 17,2026 khan Lu ruh khi avanga zai ngai Pu Israel Lalramnghaka chu mi inphal te thilpek hmangin Shillong lama thlah liam a ni ta.
Pu Israel-a hi brain tumor nei niin a natnat avangin a mit a del vek tawh a, an nu chuan kum 2025 khan Kal thalo avangin alo boralsan tawh a ni.
Tluang taka in zai ngei turin duhsakna sang ber kan hlan a, mipui te tawngtaipui kan ngen bawk e
Feb 17, 2026
Read more
Pu Lalchhûnga chenna in chu thawmṭhat kan tan
Naktuk February ni 18,2026 hian Tarpho khua a parawl vohbik - bengngawng ṭawngtheilo Pu Lalchhûnga chenna in chu thawmṭhat (renovate) tum a ni a, vawiin khan a sakna bungrua te lam khawmin an khaw YMA te nen ruahmanna te kan sawi ho a ni.
Pu Chhûnga hi a nupui Pi Lalnghaki nen chauh a khawsa thin an ni a, a nupui pawh hi amah ang tho a vohbik a ni.
An nu hian Kum 2024 khan serh hmawr cancer avangin alo boralsan tawh a, an nupa puala mi inphal te thilpek lo lut te hmangin ala inenkawl ve zel a ni.
Feb 18, 2026
Read more
Chatuan ram min pansan tu Lalrinzauvi
Tukin February ni 15,2026 dar 4:30am khan kan beneficiary kum 8 mi Lalrinzauvi chuan Thlîng ro avangin chatuan ram min pansan ta, a pawi kan tiin a chhungte kan tawrhpui takzet a ni.A ruang hi an khua Zawngin lam panpui mek a ni a, vawiin February ni 15,2026 chawhnu dar 3:00pm hian vui a ni ang. A kalsan a chhungte Lalpan thlamuan mawlh rawh se
ENGLISH
Today, February 15, 2026, at 4:30 am, our 8-year-old beneficiary Lalrinzauvi passed away due to kidney failure, and we are deeply saddened and extend our heartfelt sympathy to her family.Her body is being taken back to their village Zawngin, and the funeral will be held today, February 15, 2026 (Sunday) at 3:00 pm.May the Lord comfort her bereaved family as they grieve her passing
Feb 15, 2026
Read more
Lalrinzauvi thling ro leh kal thalo
He hmeichhe naupang Lalrinzauvi d/o Vanlalhriata kum 8 mi Zawngin khua chu Aizawl Civil Hospital ah Thlîng ro avangin enkawl mek a ni a, a dinhmun a thalo hle.
Thîng ro bakah hian a kaih thin bawk a, bleeding te neiin a ha hni ah thisen a chhuak thin bawk a, a chau rih khawp mai.
Vawiin February ni 13,2026 khan an mamawhna apianga an hman atan thilpek cheng ₹20,000/- kan va hlan a ni. Lalpan lo tidam thuai thuai rawh se.
Feb 11, 2026
Read more
Pi Zokungi kum 59 thilpek hlan
Ka pi hi Pi Zokungi kum 59 a upa niin Champhai, Kanan Veng a khawsa an ni a, kumin 2026 January thla khan cancer a ni tih hriatchhuah a ni.Tunah hian Aizawl a an chhungte belin an inenkawl mek a, vawiin February ni 11,2026 khan an inenkawl nan thilpek kan remchan ang tawk tlemte kan va hlan a ni, a tul anga la bawhzui zel tur an ni e.Lalpan vengin lo tichak zel sela, alo dam leh thuai theih nan in tawngtaipui kan ngen e.ENGLISH
ENGLISH
Pi Zokungi whom is 59 years old ,from Champhai, Kanan Veng. In January 2026, she was diagnosed with cancer.
She is currently staying with her families in Aizawl for treatment. Today, on February 11, 2026, we gave a small financial assistance to help with their expenses, and we will continue to support them as needed.
Feb 11, 2026
Read more
