Pu Lalchhunga hi vohbik bengngawng tawng theilo niin ,Tarpho khua ah a nupui (Vohbik) tho nen an khawsa thin a .Vanduathlak takin a nupui hian kum 2024 khan a lo boralsan tawh a, Pu Chhunga hi a mahin a parawl ta a ni.

Pu Chhunga chenna in thawmthat hna

February 17, 2026. khan Tarpho VC leh YMA te nen thu khawmin Pu Lalchhunga insak dan tur leh bungraw ngai tur zat te kan sawiho a. Tin Tarpho a VC leh YMA te kan chungah an tha in min thleng hneh hle a kan lawm hle a ni. Tichuan, february 18, 2026 ah Bungrua mamawh tur ang ang te kan han lam khawm a, YMA leh VC khawtlang mipuite tlawmngaihna ah thinlung takin lawmthu kan sawi a ni.

February ni 19,2026 ah chuan mi inphal ten Pu Chhunga pual a thilpek lo lut khawm hmangin thawmthat (renovate) hna tan a ni a, an khaw YMA leh VC te bakah mi tlawmngai dangten min pui bawk a ni.

Vawiin February 26, 2026 khan Tarpho khua, Hnahthial District a vohbik (bengngawng ṭawngtheilo) Pu Lalchhunga chenna in kan thawmthat (renovate) chu Pathian hnena hlanna neih a ni. Pu Lalchhunga hi mahni chauh a khawsa a ni a, an nu nen fa an nei thei lova, an nu hian cancer avangin alo boralsan tawh a ni. A chenna in thawmthat nan hian an nu dam laia an puala thilpek lo lut la awm cheng ₹67, 957/- chu belh a ni a, sum hmanral zawng zawng chu cheng ₹95,316/- a ni. An khaw VC leh YMA te bakah, mi tlawmngai dangte nen hnatlang koh a sak thin a ni a, ni riat(8) chhung sak anih hnuah kan peih fel thei ta a ni.