Pi Lianngaihzami hi Khawzawl, Kawnzar Veng a khawsa niin, pasal tel loin a fate pathum a tul pui a, eizawnna mumal pawh a neih bik loh avangin a rem rem a thawk kual mai thin, mi huanahte a inhlawh lawp lawp chang a awm thin bawk. Khawzawl YMA In sakah a thlawnin an nufa hian ankhawsa thin a ni.

Tichuan, mi inphal te thilpek lo lut 'General Operating Fund' atangin an In tur hi kan sa thei a ni. An In sakna hmun hi Khawzawl VC te'n phal takin min pe a, kan lawm hle a ni. Pi Zamtei fate hi pali(4) an ni a. A upa ber dawttu hi mipa niin, a mit a del avangin Special Blind School, Aizawlah a awm mek a, a unau dangte pawh hi an felin lehkha an zir taima em em a ni.

Tichuan, March 10, 2026 khan an In tur chu sak tan a ni a. An veng YMA te leh an khaw VC te'n theihtawp min chhuah pui a, YMA section hrang hrangte pawh tlawmngaiin an lo in hnatlan chhawk thin a ni. An khaw bialtu SDO leh sawrkar lama thuneitute pawhin theihtawpin min pui bawk a, tui leh electric connection pawh a theih chin chin tihfel sak nghal ni in March 28, 2026 khan Pathian leh mi tlawmngaite zarah sak zawh a lo ni ta a ni.

March 30, 2026 khan Cheng 4,57,333/- (Nuai li singnga sangsarih zathum sawmthum pathum) hmanga sak Pi Lianngaihzami te nufa chenna tur In chu hawnna hun neih a ni a, an bialtu Pastor Rev. R Lalrinmawia chuan Pathian hnena hlanna min neihsak nghal a ni. Pi Zamtei te nen hian 2025 Christmas Charity Ride kan neih tuma inchhar kan ni a, chenna In thar an nei hi kan lawmpui em em a, Pathian malsawmna leh venhimna dawng zel turin duhsakna kan hlan a ni.

Thutkhawm zan 9 March, 2026

Sak tan ni 10 March, 2026

Sak zawh ni 30 March, 2026