Dilzawl khaw naupang kum 5 mi Cicilya Laltleipuii d/o Rosiama chu lungpawp in rei tak alo damlo tawh a, dinhmun thalo taka awmin an chhungkua pawh an harsa khawp mai. A pualin mipuite khawngaihna kan lo ngen sak e.
Naupang tê anih lai atangin a kaih thin a, kum 2018 a doctor an pan khan lungpawp a ni tih hriatchhuah a ni. Doctor chuan phai lam pan vat turin ti mahse, an harsat em avangin tun thlengin an la pan thei lo a ni.
Khua a vawh hian a taksa a duk vek thin a, a thaw te hah telin chaw pawh a ei mumal hlei thei thin lo. Tin, thawm bengchheng a ngai thei lova, a tap tawp mai thin a ni.
An unau hi 3 niin amah hi a upa ber a ni a, an harsat em avangin electric connection takngial pawh an la nei thei lo a ni. A pa hi lo nei a ei zawng a ni e.
Cicilya-i puala thilpek pe duh leh remchangte tan a hnuaiah a pek theihna kan lo tarlang e. Thilpek hi December ni 22,2024 zan dar 10:00pm thleng a pek theih ang.
𝐓𝐡𝐢𝐥𝐩𝐞𝐤 𝐩𝐞𝐤 𝐭𝐡𝐞𝐢𝐡𝐧𝐚 𝐭𝐞 :
G-Pay : 8119035081 (Zoinspiration Foundation)
UPI ID : 2462998a@bandhan
AC : 20100029765424
NAME : ZOINSPIRATION FOUNDATION
IFSC : BDBL0002267
BANK : BANDHAN BANK
BRANCH : CHANMARI BRANCH
DILZAWL KHAW NAUPANG CICILYA-I PUALA THILPEK LO LUT CHENG ₹8,55,167/- CHU LIRTHEI LEH LAWNGA KALIN AN KHUA AN KAN VA HLAN
December ni 30,2024 hian zing dar 6:00am a Aizawl chhuahsanin Mamit District a khaw pakhat lirthei la luh lohna Dilzawl khaw lam kan pan a. Dapchhah ah kan lirthei hnutchhiah in lawngin kan kal leh a, tluang takin dar 9:20am khan an khua kan thleng a ni.
Cicilya Laltleipuii(5) hi lungpawp niin a puala mipuite thilpek lo thawhkhawm zawng zawng cheng ₹8,55,167/- hlanna kan va nei a. A taksa a chak tawh lo hle a, lu hai a tlu thinin a kut leh ke hmawr a duk vek tawh a. Chaw a ei mumal hlei thei tawhlo bawk.
Sum leh pai an neih loh avanga beidawng haw tawh an ni a, tunah chuan Pathian in mipuite kaltlangin beiseina thar a siamsak leh ta a ni.
Hengte hmang hian phai lama a enkawl dan tur kan buaipui nghal a, Pathian in rem a tih chuan kumthar 2025 lamah a hma thei ang bera buaipui nghal kan tum dawn a ni.
A puala thilpek lo thawhtu zawng zawngte Lalpan a let tam takin malsawm che u rawh se.
