He project hi kum 2024 kumtir khan bul tan a ni a, fahrah leh hmeithai fa kum 10 hnuailam te tan a hmalakna a ni a, anni bakah hian khawsa harsa zual bik he project hnuaia support an awm bawk.

He project hnuaiah hian miharsa zual chenna in neilo te chenna in kan saksak thin a, he report buaipui anih lai thleng hian chenna In 18 kan lo sa tawh a ni. A then chu hmeithai an ni a, a then chu vakvai(homeless) an awm nual bawk. An khawtlang hruaitu YMA leh NGO dang ten min thawhpui tha thin hle a, kan lawm takzet a ni.

July ni 15,2023 chawhnu dar 2:00pm khân Falkland East a Pu David Lalremruata te Chhûngkaw Chenna In tur mi inphal te thilpek tlingkhawm hmanga kan sak chu a hawnna kan zu nei a, tlai ah khân an in thiar lut nghal a ni. July ni 15 tuk thleng kha chuan a thlang lawk a mi thlâm zim te an la luah a, tunah chuan Chenna In thar tha leh nuam tak an nei ve ta reng mai, kan lawmpui takzet a ni. He Chenna In hi June ni 12,2023 khan a sak hna tan a ni a, fur lai anih bakah an veng hi lirthei a luh mumal theih loh avangin mamawh lam khawm a harsa hle. Ruah a tlak nasat chuan lirthei a tlan lut ngam meuh thin lo. A chângin silpaulin a in zar hnan in a sak hna kan chhunzawm a, a bul kan tan atanga thla khat vel a liam hnu in kan puitlin thei hram a ni. He In sakna tura kan pawisa sen ral zawng zawng hi cheng ₹4,52,355/-a ni a, ti hian an pual a thilpek lo lut cheng ₹273,710/- ala chuang a, hemi hmang hian an eizawn bul tanna tur ngaihtuah sak kan tum bawk e. Thilpek lo petu te, Chenna In sakna tur ram lo ngahtuah sak tu te leh tha leh zung senga lo feh chhuak thintu te chungah lawmthu kan sawi mawlh mawlh e. Lalpan malsawm mawlh che u rawh se.

Hrawk Cancer Pu Laltanpuia Boral hnuah a Nupui Fanau ten an Chenna In thar an luah lut ta