Pu Lainisanga fate hi Ruantlang khua a khawsa ṭhin an ni a, mahse tunah chuan an pa a boral tawh avângin Zo Inspiration Foundation te'n Aizawl ah kan hruai thla a, kan remchân dan ang angin kan enkawl ve tawp rih a niPu Lainisanga(L) hi kum 1970 ah alo piang a, unau sawm niin pakhathian a boral san tawh a, Mizoramlamah pathum awmin a bak zawnghi Myanmar lamah an awm thung. PuLainisanga(L) hi Thantlang District,(Myanmar) khawchhuakniin, kum 5 vel a nih hian Tahan lamahan chhûngkuain an pem a, a nu lehpa te hian an boral san tawh a ni.
An nu chhuahsan hnuah Pu Lainisanga(L) hi kum 2012 khân Hepatitis-C a vei tih hriatchhuah a ni a, an harsat em avângin damdawiin an pan thei lo a ni; Kum 2019 khân khum betin a damlo a, Ruantlang Branch YMA-te'n damdawiin lamah kalpui in TB a vei tih hmuhchhuah a ni, in lamah TB damdawite eiin a theih ang angin an inenkawl chhunzawm ve leh ta a ni; Mahse, kum 2023 Krismas hma deuh khân a nâ chu zual deuhin eirawngbawl paw'n a tho chhuak peih ta lova, a pum te puarin a vûng a, pumpui ulcer a neih tel avângin zan pawh mut a harsat ṭhin hle An pa ber hnathawka a chet theih tak loh avângin an unau hian Bawng vengin an inhlawh ṭhin a, Chawlhni(Sunday) pawh inkhâwm duh mah se an awl thei lova; An Bawng ven hlawh hi an chhûngkaw ei ber a ni a, an harsat em avângin school pawh kal châk viau mah se, an la kal thei lo a ni.
In kan Thawm tha
Febuary ni 8,2024 khân Ruantlang khua a Fahrah unau 5 te chenna In sak ṭhat hna kan ṭan e. A ban hi Cement in thlak kan tum a, a skating chin ah hian Brick rem chhuah vek kan tum bawk a ni.Tin, Ek In(Toilet) an neih loh avangin siamsak tum a ni a, in chhûng mamawh Fridge, Thutthleng sei, Gas leh thil dangte ngaihtuah sak tum a ni bawk.
Febuary ni 20,2024(State Day) khân Mizoram Xpulse Owners te chuan kan hmalakna kal mek Ruantlang khua a Pu Lainisanga'n a kalsan a fate 5 pualin Charity Ride an huaihawt a. Zing dar 7:00am khan Aizawl aṭanga mi 17 chu an lirthei(two wheeler) a in zui chhuakin thilpek cheng ₹56,500/- lai mai an han hlan a ni.
He thilpek thawhkhawmtu te hi Xpulse Owners te bakah Mizoram SML Tripper Association te, Amawii Hero te leh mimal hmingthup ṭhenkhat te an ni e. Lalpan a let tam takin malsawm rawh se.
