𝐓𝐔𝐈𝐑𝐈𝐀𝐋 𝐀 𝐇𝐌𝐄𝐈𝐓𝐇𝐀𝐈 𝐏𝐈 𝐍𝐄𝐈𝐇𝐌𝐀𝐖𝐈𝐈 𝐂𝐇𝐄𝐍𝐍𝐀 𝐈𝐍 𝐒𝐀𝐊 𝐓𝐇𝐀𝐓 𝐓𝐔𝐌 𝐀 𝐍𝐈
Tuirial a hmeithai a fa vohbik 2 te nen a khawsa ṭhin Pi Neihmawii te nufa chenna in chu a chhiat tawh em avangin an puala thilpek lo lut hmanga sak ṭhat tum a ni. Mahse, sak anih hma in kalkawng(step) mumal an neih loh bakah a nâl em avangin an Step tur chu Cement a siam hmasak a ni.
Vawiin July ni 20,2024 khan a Step tur chhun zawh a ni a, karleh thawhṭanni July ni 22,2024 khian Tuirial YMA te nen hnatlangin a in hlui ṭhiah tum a ni a, chumi hnuah an chenna in thar tur sak ṭan nghal a ni ang
July ni 22,2024 khan Pi Neihmawii te nifa chenna in tur sak hna ṭan a ni e. Tuirial Branch YMA member mi 40 chuang zetin hnatlangin min lo pui a, kan lawm takzet a ni.
𝐇𝐌𝐄𝐈𝐓𝐇𝐀𝐈 𝐏𝐈 𝐍𝐄𝐈𝐇𝐌𝐀𝐖𝐈𝐈'𝐍 𝐂𝐇𝐄𝐍𝐍𝐀 𝐈𝐍 𝐓𝐇𝐀𝐑 𝐀 𝐋𝐔𝐀𝐇 𝐋𝐔𝐓 𝐓𝐀 :
August ni 13,2024 khan Tuirial a hmeithai Pi Neihmawii chuan mi inphal te thilpek hmanga sak chenna In thar a luah lut ta. Chawhnu dar 1:00pm khan a hawnna neih niin Tuirial Bialtu Pastor Rev R. Lalhmuchianga chuan Pathian hnena hlanna a nei nghal bawk a ni.
He chenna in hi July ni 22,2024 khan a sak hna ṭan a ni a, August ni 8,2024 khan tluang taka sak zawh a ni. A len zawng hi ft 18x24 a ni a, a sakna senso zawng zawng hi cheng ₹3,17,103/- a ni.
Tuirial Branch YMA leh mi tlawmngai dang ten hnatlang in vawi tam tak min lo pui a. Tin, a sintex tur leh in chhung bungrua thenkhat te hi mi inphal te lo donate a awm nual bawk a ni.
A ke(khup) a nat avangin a inthiar nan Eurpoean type toilet dah sak a ni a, gas leh electric connection leh pawh buaipui mek a ni e.
Electric(êng) pawh awm lohna in chhe tak a khawsa ṭhin kha tunah chuan thlamuang takin hetah a khawsa ve thei tawh dawn a ni. A puala thilpek lo pe tu zawng zawngte Lalpan malsawm mawlh che u rawh se.
