Vawiin November ni 23,2023 hian Tuirial khua a Vohbik Pathiauva chenna In tur sak hna kan zu tan e. A ni hi bengngawng tawng thei lo, chhûng leh khat tumah nei lo a ni a, mahni chauh in rei tak alo khawsa tawh a ni.

Mi inphal chhûngkua ten Zo Inspiration Foundation ah cheng nuai 2 lai mai an lo donate a, chu chu Pathiauva chenna In tur sak nan kan hmang dawn ta a ni. A sakna hmun tur hi Tuirial VC ten min lo ngaihtuah sak a ni.

Tv Paṭhiauva chenna In tur chu ni 6 lai kan sa ve ta. Paṭhiauva hi chhûng leh khat nei lo 'Van lai tla' a ni a, a lainat awm khawp mai. Pathian in rem a tih chuan karleh lam a luah luh tir hman hram kan tum a ni.

Mi inphal ten an lirthei te, an thingzai leh bungraw thenkhat te an lo donate thin a, a then hnatlang in an lo chhuak thin bawk. Lalpan a let tan takin malsawm rawh se.

𝐕𝐎𝐇𝐁𝐈𝐊 𝐏𝐀𝐓𝐇𝐈𝐀𝐔𝐕𝐀 𝐂𝐇𝐄𝐍𝐍𝐀 𝐈𝐍 𝐓𝐔𝐑 𝐊𝐀𝐍 𝐏𝐄𝐈𝐇 𝐅𝐄𝐋 𝐓𝐇𝐄𝐈 𝐓𝐀, 𝐊𝐀𝐑𝐋𝐄𝐇 𝐀𝐇 𝐋𝐔𝐀𝐇 𝐋𝐔𝐇 𝐓𝐈𝐑 𝐀 𝐍𝐈 𝐀𝐍𝐆 :

Vohbik Paṭhiauva Chenna In tur chu kan peih fel thei ta. A sak nan ni 7 hun kan hmang a, Chenna In kan sak tawh a kan peih hma ber ala ni.

Chawhrual in nikhat ah darkar 15 kan thawk a, zing dar 6:00am a bul tanin zan dar 10:00pm thlen châng te a awm a. Kan mistiri te an chau zual hle, nupui fanau te kalsan in a hmun ah an riah chilh a, chawei tui loh phah khawp in an thawk a ni.

Hmalakna tur dang hmachawp kan nghah em avangin kan hmahmawh hle a, chutiang kârah kan duh tui emem bawk si. Mahse, kan ṭangrual hle a, Pathian in mal a sawm kan ti lo thei lo a ni.

A In hmuh hi Tuirial VC lam ten min ngaihtuah sak a ni a. VC Pass pawh Paṭhiauva hming a tihfel niin Zo Inspiration Foundation kutah a awm tawh a ni.

Paṭhiauva hian a Chenna In tur kan sa tih ala hre lova, karleh December ni 4,2023 chawhnu dar 2:00pm hian a hawnna neih tum a ni a. Hemi ni hian Paṭhiauva luah luh tir nghal kan tum dawn a ni.

BENGNGAWNG TAWNGTHEILO PATHIAN VÂN CHENNA IN THAR A LUAH LUT TA A NI:

Bengngawng ṭawngtheilo Paṭhiauva In sakna tur Pu Lalnunthara te chhûngkua in an fapa boral ta Israel Lalhruaizela puala an lo hlan hmanga sak chu nimin piah December ni 4,2023 khân a hawnna neih a ni. Paṭhiauva'n ribbon a cheh chah hnu ah kan luah luh tir nghal a ni.

He Chenna In hi November ni 23,2023 khân a sak hna ṭan a ni a, theih tawp chhuah a ni 7 sak anih hnu ah kan peih thei ta hram a ni. Kan sakna senso zawng zawng hi cheng ₹2,71,094/- a ni e.

Paṭhiauva hi nu leh pa nei tawh lo fahrah a ni a, a nu chuan pasal dang neih sanin a pa erawh a boral tawh a ni. Mi thlâm zim te chu a thlawn in a luah ṭhin a, kum rei tak chu alo vakvai kual tawh bawk. Mi taima tak a ni a, Mau sat leh hnarum thawk in ei a zawng ṭhin.

A Chenna In thar ah hian Fridge, Gas bur leh Stove, Khum(4x6), Thuthleng sei, Plastic Drawer, Wall Clock, Darthlalang, Rice Cooker, Sintex, Bucket(3), Dustbin leh thil dang ṭhenkhat kan dah sak nghal a ni. A eizawn bul tan nan a Chenna In bulah Vawk In sak sak kan tum bawk e.

Sum leh pai lo petu te leh tha leh zung seng a lo hnatlâng ṭhin zawng zawngte Lalpan a let tam takin malsawm che u rawh se.