He hmeichhe naupang kum 12 mi Edenthar-i d/o Daniel Vanthanga hi Zawngtetui, Champhai District khua ah an khawsa a. An khua a sorkar sikul ah pawl 8 a zir ve mek a ni.
Nikum 2024 November thla tawp lam khân a sikul bâng chu a chau thin hle a, chutia a awm tak fo hnuah chuan a nu leh pa ten Champhai Civil Hospital an pan pui ta a. Karkhat vel an awm hnu chuan ZMC ah an refer a, investigation hrang hrang tih anih hnuah 'Thisen Cancer' a ni tih an hrechhuak a ni.
An unau hi 5 niin amah hi a mi lai a ni. A pa hian inhlawhfa chawpin a fate a chawm a. Chhungkaw khawsak harsa ve tak an ni e.
Kumin 2025 January ni 20 khan ZMC atanga chhuakin Zemabawk Cancer Hospital ah admit a ni a, a nu nen tun thlengin an la awm dun hrih a ni.
Vawiin January ni 27,2025 khan kan va tlawh a, an hmachawp atan thilpek cheng ₹5,000/- kan va hlan e.
Eden-i hi kum naupang tê la ni mahse a rilru a chhelin dam a tum ruh hle a, vawiin a kan va tlawh pawn tawngtaina te a hmang a, a puitling kan ti takzet a ni. Alo dam thuai theih nan in tawngtaipuina kan ngen e.
Eden-i puala thilpek pe duhte tan thilpek pek theihna kan lo tarlang e.
G-Pay : 8119035081 (Zoinspiration Foundation)
UPI ID : 2462998a@bandhan
AC : 20100029765424
NAME : ZOINSPIRATION FOUNDATION
IFSC : BDBL0002267
BANK : BANDHAN BANK
BRANCH : CHANMARI BRANCH
THISEN CANCER EDENTHAR-I PUALA THILPEK LO LUT CHENG ₹4,95,532/- KAN VA HLAN E
January ni 31,2025 khan Zemabawk Cancer Hospital ah Thisen Cancer Edenthari d/o Daniel Vanthanga puala thilpek lo lut cheng ₹4,95,532/- chu a hlanna kan va nei e. Thilpek lo petu zawng zawngte Lalpan a let tam takin malsawm che u rawh se.
Edenthar-i kum 12 chauh la niin naupang fel tak a ni a, a lawmthu sawina te hian kan rilru a hneh khawp mai. Pawl 8 zir ve mekin sikul kal leh theih a châk hle a, taksa chau tak chung pawn hlim hmel put tumin a nui lui hram hram thin. Cancer natna vei chung pawha a ze mawi tak hi puitling te tan pawn entawn tlak kan ti hle a ni.
A Bible châng duh ber Sam 23:1 "Lalpa chu min vengtu a ni a, ka tlachham lovang" tih chhiar chhuakin tawngtaina te kan hmang a, kan hlawk tlâng hle a ni.
Chemo vawi tam khai an la ngai a, an hmabak ala ko khawp mai, Pathian hnenah damna i dilpui mawlh mawlh ang u khai.
