He naute Eunik Lalpekhlui d/o Lalduhthlanga hi kum 3 mi niin Kolasib, Hmar veng a khawsa an ni a. Vanduaithlak takin a thisen a cancer ve palh hlauh mai a, a nu pawh chikawng bâwk leh kal a lungte awm a ni a, tunah hian Zemabawk Cancer Hospital ah an nufa in an inenkawl ve mek a ni.
A luak bakah a lu te nâ tiin hrehawm a ti thin hle a, chemo lakna tur takngial pawh an nei mumal tawh lova, mi thilpek tlingkhawm hmangin an la inenkawl ve bek bek a ni.
Chemo vawi khat an lakna ah hian cheng ₹50,000/- an seng a, a vawi hnihna ah cheng 30,000/- an seng ve leh a ni. Tunkar zirtawpni hian chemo an khai leh dawn a ni.
Vawi tam chemo lak ala ngai a, chuvangin a inenkawl zel nan leh alo dampuina anih beiseiin in khawngaihna kan lo ngen sak e.
Eunik-i puala thilpek pe duhte tan thilpek pek theihna kan lo tarlang e.
G-Pay : 8119035081 (Zoinspiration Foundation)
UPI ID : 2462998a@bandhan
AC : 20100029765424
NAME : ZOINSPIRATION FOUNDATION
IFSC : BDBL0002267
BANK : BANDHAN BANK
BRANCH : CHANMARI BRANCH
EUNIK-I PUALIN THILPEK CHENG NUAIA RIAT CHUANG ALO LUT, A HLANNA HUN KAN VA HMAN
Febuary ni 8,2025(inrinni) chawhnu dar 2:30pm khan Zemabawk Cancer Hospital ah thisen cancer, Eunik Lalpekhlui(3) d/o Lalduhthlanga puala thilpek in lo thawhkhawm cheng ₹8,50,950/- chu a hlanna hunserh kan va hmang e. Heng thilpek te hi ni thum chhunga in lo thawhkhawm te an ni.
An hmanchawp atan pawisa fai cheng ₹10,000/- kan hlan a, vawiin bank an in hawn loh avangin karleh thawhtannin khian an bank account ah cheng ₹50,000/- deposit a ni ang. A bak erawh an mamawh dan a zirin, an bank account ah transfer(thawn) zel tura ruahmanna siam a ni.
Pathian in mi thinlung ah kan rin phak bakin hna a thawk a, he thilpek te bakah hian a hranpa a kanna pawh an dawng ve nual a ni. Thilpek rawn petu zawng zawngte Lalpan a let tam takin malsawm che u rawh se.
Tin, Eunik-i pawh Pathian zarah tunah rih chuan a harh tha rih a, ngaihtuah awm lutuk a ni rih love. Mahse, a natna hi sawi thiam a har hle a, engpawh thleng thei reng a nih avangin bang lovin i tawngtaipui zel ang u aw.
A nu leh pate hian an fanu puala thilpek lo lut atangin an mahni ang thova cancer, damlo dangte tanpui nan cheng ₹85,095/- lai mai an lo hlan let a, hengte hi hun remchang hmasa berah cancer damlo te tanpui nan a sem leh tur a ni ang. Lalpan malsawm mawlh rawh se.
