Durtlang, Leitan South a khawsa Annie Malsawmtluangi(17) d/o Zomuanpuii chu vanduaithlak takin a hnar leh mit ding lam a cancer hlauh mai a, tunah hian NEIGRIHMS Hospital, Shillong ah a nu nen an inenkawl mek a ni.
Annie-i hi a nu in a enkawl a, a nu hi Durtlang Synod Hospital ah a inhlawh thin a. Kumin 2025 HSLC result chhuakah Annie-i hi second division ah alo pass ve a ni.
Kumin March ni 24, 2025 khan a mittui a tlak thin avangin, a nu nen Durtlang Synod Hospital ah an han inentir chu doctor ten damdawi ni 10 ei tur an lo chawh a. An ei zawh hnuah an han kal leh chu, MRI ti turin an lo hrilh a, chumi an tih hnuah April ni 10 khan Doctor ten a result an han en a, a hnar sinus ah bawk(tumor) a insiam tih an hre chhuak ta a ni, a bawk chu chak takin a thang tih an hmuchhuak bawk.
Chumi bawk(tumor) chuan a luruh a lo ti mawih tel hman a, biopsy an tih hnuah vanduaithlak takin Cancer chak chi a ni tih an hrechhuak leh a ni.
An thenawm te pawisa puk chawpin, an nufa chuan Doctor te rawn angin April ni 21, 2025 khan Shillong an pan thla a, tun thlengin chemo an khai mek zel a, an khai zawh fel hunah zai ngam a nih leh nih loh a hriat theih dawn a ni.
An puala thilpek le duh leh remchang te ran thilpek pek theihna hun May ni 13,2025 thleng kan lo hawn sak e.
G-Pay : 8119035081 (Zo Inspiration Foundation)
UPI Id : 2462998a@bandhan
AC : 20100029765424
Name : Zo Inspiration Foundation
IFSC : BDBL0002267
Bank : Bandhan Bank
Branch : Chanmari Branch
ANNIE-I PUALA THILPEK LO LUT CHENG ₹4,52,080/- HLANNA KAN ZU NEI
May ni 22,2025 khân cancer avanga NEIGRIHMS Hospital, Shillong a inenkawl mek Annie Malsawmtluangi d/o Zomuanpuii chu Shillong a an awmna ah a puala thilpek mipui te lo thawhkhawm cheng ₹4,52,080/- hlanna hun kan zu nei a ni. An nufa hi Durtlang, Aizawl a khawsak an ni e.
Kan lo tarlan tawh angin, Annie-i hi a hnâr leh mit dinglam(a chhûng) a cancer a, a natna hming hi Sinonasal Undifferentiated Carcinoma (SNUC) a ni. A hnâr a cancer bâwk/tumor chuan a luruh a lo ti mawih tel hman a, hei hian a mit thlenga kang kaiin hun eng emaw chen chu a khawhmuh a buai phah a ni.
Mahse, tunah chuan a khawhmuh pawh a zia leh tawh rih a, amah pawh kan beisei aiin alo changkang daih a, kan lawm khawp mai. Mahse, an hmabak ala ko hle a, tawngtaipui an ngai khawp mai.
Annie-i hi Kum 17 mi niin kumin khan pawl 10 tha takin a pass a, mahse a natna avangin kumin erawh sikul a kal chhunzawm theih hmel rih loh a ni.
