Nimin June ni 21,2025 chawhnu dar 2:30pm khân an nu in pasal dang a ûmsan Pu Lalnunzira te pafa chu an chenna mi huan thlâm atangin Rengdil khua a an chenna in thar nuam takah an in sawn lut ta. Nimin vek khan he in hi a hawnna neih niin Rengdil bialtu pastor Rev. Lalhunmawia Pachuah chuan Pathian hnena hlanna min neihsak a ni. 

He chenna in hi May ni 6,2025 khan a sak hna kan tan a, June ni 13,2025 khan sak zawh niin fur lai anih avangin duh angin hna a chak thei lo a ni. A sakna senso zawng zawng chu cheng ₹4,33,358/- a ni e.

Pu Zira te pafa hi nikum kum tawp lam khan an nu in pasal dang a ûm san a, chumi hnuah a fate chu natna khirh tak tuarin an dam lo a, a then chu thi in an luak hial bawk. Zai pui te an hmachhawn hnuah hun eng emaw chen chu mi inphal te thilpek hmanga enkawl an ni a, tunah chuan an dam tha leh vek tawh a ni.

Nimin chawhma lam thleng khan mi huan thlâm current pawh luh lohna ah an la khawsa a, thosi a tam bakah a fate sikul kal nan pawn a hla emem a ni. Mahse, tunah chuan Pathian leh mi inphal te zarah chenna in thar an nei tawh a, kan lawmpui khawp mai. An eizawnna turte pawh a remchan dan anga la buaipui zel tum an ni.

Hei hi bul kan tan atanga kan chenna in sak 19-na a lo ni ve ta a, mipui te support kan dawn tawh zawng zawngah ah kan lawm takzet a ni.