June ni 29,2025 chawhnu khân Kal(kidney) cancer kum 1 mi Kiana Zomuansangi d/o Lalrinchhana Lungmuat khua chu a puala thilpek lo lut zawng zawng cheng ₹4,22,784/-(nuai li sing hnih sang hnih zasarih sawmriat leh pali) hlanna LRM Hospital ICU ah kan va nei a ni. A puala thikpek lo petu te Lalpan malsawm che u rawh se.

Kiana-i hi a kal cancer avangin a pum a puar nasa hle a, amah pawh a chau rih khawp mai. A natna avangin damdawiin hrang hrangah an in sawn kual thin a, mahse duh angin hma ala sawn hlei thei meuh lo a ni.

An chhungkua hi lo nei a ei zawng an ni a, a nu leh pate chu an fanu damlohna avanga an feh theih loh rei em avangin an khaw YMA te chuan vawiin khan an lo te an thlawh fai sam a, thlâm te an lo saksak tawh bawk.

He thilpek kan va hlan lai hian pawisa kawlsa mang an lo nei tawh lova, in thilpek lo thawhkhawm te hmangin LRM hospital ICU ah enkawl mek zel a ni e.