Vawiin September ni 30, 2021 khan Keitum naupang kum 5 mi Lalnunsangi puala mi inphal ten pawisa an lo thawh khawm cheng ₹2,17,540/-(nuai hnih sing khat sang sarih zanga leh sawmli) chu an khua Keitumah kan va hlan fel ta e.

He pawisa te hi a sumfai (cash) a hlan vek a ni lova, cheng ₹2,00,000/-(nuai hnih) chu Mizoram Rural Bank, Chanmari Branch, Aizawl-ah fixed deposit in a pung awma dah that sak a ni a. Hei hi kum 2029-ah a pung nen a la chhuak thei dawn a ni. Chutih hunah chuan Sangsangi pawh kum 13 a lo ni ve tawh dawn a ni.

Hemi bakah hian nula pakhat (hming thup) chuan pawl 10 a nih thlenga a zirna senso tur alo tum sak dawn bawk a, a lawmawm takzet a ni.

Sum leh pai lo thawh khawmtu te Lalpan a let tam takin malsawm che u rawh se.

- Zo Inspiration