April 6,2026 khan Seling khua a kan beneficiary boral ta Malsawmhlui (L) puala thilpek lo lut atangin a kalsan a Pu leh a unaupa te chenna In thawmthat (renovate) hawnna leh Pathian hnena hlanna neih a ni.

Malsawmhlui hi a Nu in alo boralsan tawh a, a Pa pawh a hriat loh avangin a Pu hian an unau in a enkawl a, Hlutei hi thluak TB avangin ZMC&H ah hun eng emaw chen enkawl a ni a.A damloh chhung hian a pualin vehbur te khawnsak niin, mi inphal ten tanpuina an pek tlingkhawmin hun eng emaw chen enkawl anih hnuah kumin January 1,2026 dar 1:50pm khan a boral ta a ni. Ama puala tanpuina tlingkhawm la awm ang ang te chu amah enkawltu a Pu BB Thapa,Kum 80 a upa leh Malsawmhluii unaupa te chenna in thawmthat nan hian kan hmang a ni.

He in thawmthatna ah hian Seling YMA leh VC te bakah an thenawm khawveng te tawiawmna kan dawng nasa em em a, kan lawm takzet a ni. An in chhung mamawh te ngaihtuahsak mek an ni a, a tul leh an mamawh anga la buaipui zui zel tur an la ni e.