Hmeithai an in luahna ten an chhuah tir Pi Lalparmawii te nufa tana hmalak tawhna leh thildang thenkhat te kan lo tarlang e.

1. Chenna tur an neih loh avangin iluah tur zawnsak an ni a, kan zawn hmuh hnuah September ni 24,2025 khan an luah lut a ni.

2. An in luah man chu Medical Doctor hmingthup chuan thla 6 chhung atan a lo tumsak dawn a, kan lawm khawp mai.

3. Biak pawhna tur cell phone an neih loh avangin leiksak an ni.

4. An nufa eichawp tur Dal bag 1, Alu bag chanve, Tel case 1 leh nepnawi dang te pek tawh an ni.

5. An chhangchhiat avangin insuk an awlsam nan an rawn beisei angin washing machine chu cheng 12,000/- man leisak an ni a, an inah dah nghal a ni.

6. Eizawnna bul tan nan Pi Parmawii duh kan thlan tir a, a duh angin an veng kâwn ah a ar sah dan tur ruahman pui a ni.

7. Ar sahna tur dawhkan, sa sahna chem, sa sah chhan, Arsa kg 10 leh polythene te pek an ni. Tin, buk lung (weighing scale) leisak a ni bawk.

8. A fate sikul luhna erawh kum a laklawh avangin a ngaia luh zui tir an ni a, kumthar lamah sikul tha deuh zawka luhtir tum an ni.

9. A tul anga bawhzui zel tur a ruahmanna siam a ni a, a khât tawkin chanchin kan in hrilh hriat bakah tlawh zui zel an ni.

Heng hmalakna te hi mipui te thilpek lo thawhkhawm hmanga tih vek a ni a, rah tha zawk a chhuah zel theih nan in fin chhuah kan beisei a, in tawngtaipui kan ngen a che u.