Ka pu hi kum 57 mi niin West Bunghmun, Mamit District ah an khawsa a, vanduaithlak takin mit natna veiin khua a hmu fiah tawh lo hle a, fa 3 neiin kum 12, kum 9 leh kum 7 a upa te an ni.

A fa upa berin pawl 3 a zirlaiin a nupui chuan pasal dang a ûm san a. Tunah hian Masihi Sangati ah chowkidar a ni mek a, thla khatah cheng 800 hlawhin chu chu an chungkaw sum hnar ber a ni a, an khaw Kohhran lam te pawn theih tawpin an lo pui tawh thin a ni.

A mit hian khua a hmu fiah lova, an khaw nurse chuan mit natna chikhat ‘Glaucoma’ anih a ring a, heting ni chung hian a theih tawp chhuahin a fate a enkawl mek a ni.

A mit hi zai angaih an ring a, mahse hmun pui lam panna tur engmah an neih loh avangin an la pan thei lo. Aizawl an lo pan nan thilpek cheng ₹4,000/- kan va thawn a, Aizawl lamah mi inphal te thilpek lo lut hmangin a tul anga buaipui tum an ni.