Annie Lalngaihsaki hi Pu Lalbiakliana (L) leh Pi Zorinpari te fa pali zinga pathumna ni turin December 15, 2016 khân a lo piang a. Vanduaithlak takin a pa hian January 2, 2020 khân khawsikpui vangin a boralsan a, a nu hian pasal dang a neih san tawh bawk a ni. A patea Pu Zobuaithanga hian amah Annie-i bakah a u te pahnih hi a enkawl a, tunah hian Vaṭhuampui, Lawngtlai ah an khawsa mek a ni.

A nat tan dan :

Kum 2023 September thla khân Annie-i hi a khuasik in a luak nasa hle a, a pum nâ tiin a taksa pawh nâ a ti hle. Christian Hospital, Lawngtlaiah inentirin hetah hian Typhoid a ni tih hmuhchhuah a ni a, admit nghal niin hun eng emaw chen an inenkawl hnuah Hospital hi an chhuahsan ve leh thei ta a ni.

A ṭha chho zel tura an beisei laiin, November thla khân a nat dan ngai bawkin a na leh ta a, amaherawhchu, pawisa an neih remchân mai loh avângin December 12, 2023 ah Lawngtlaiah an kalpui ve thei chauh a. Lawngtlai Civil Hospital ah khum ruak a lo awmloh avângin Christian Hospital, Lawngtlai ah an in admit leh a, hetah hian a typhoid tih hmuhchhuah a nih avângin Typhoid treatment-te lak leh nghal a ni.

Mahse, treatment hi course zawh thlenga an lak hnu paw'n hmasawnna a awm theihloh avâng leh, a beng bulah bâwk alo awm avângin Christian Hospital, Serkawn ah an refer ta a, Serkawn ah hian Biopsy an tih theihloh avângin ni hnih an châm hnuah Zoram Medical College, Falkawn lamah an refer ve leh ta a ni.

May 16, 2024 zing dar 1:45am ah Zoram Medical College, Falkawn ah investigation tih ṭan niin, Biopsy te an lâk hnu chuan thlîng thlâk (bone marrow transplant) ngai a ni tih an hmuchhuak ta a, hemi atân hian cheng ₹ 10,00,000/- (nuai sawm) tal a ngai dawn a ni.

Kan intawn dan :

Doctor leh Nurse-te'n an dinhmun hriatthiampuiin an lainat hle a, tichuan, Zo Inspiration Foundation lam min rawn be pawp ta a, November 7, 2024 khân Zoram Medical College, Falkawn ah kan va tlawh a. Hemi tum hian pawisa kawl lai ₹10 (cheng sawm) chauh an lo nei tawh a, an hmanchawp tur pawisa te pein November 8, 2024 khân a pual hian vehbur kan khawnsak nghal a ni.

Annie Lalngaihsaki puala kan vehbur khawnah hian mi inphal te’n thilpek cheng ₹6,61,227/- (nuai ruk singruk sangkhat zahnih sawmhnih pasarih) ngawt mai an lo thawh khâwm a, heng sum tlingkhâwmte hi November 18, 2024 khân Zoram Medical College, Falkawnah kan va hlan a ni.

Beseina thar nen hma lam a pan zel :

Annie-i thlîng thlâk turin kan pawisa khawn khâwm chuan a tlin si loh avângin, a tir chuan kan rilru a hnual hman hle a, mahse Annie-i leh a Patea te lawm hmel mawi tak kan hmuh khân keini min ti chak thar leh a ni.

“Lalpa'n kan mamawh tur tawk zelin rem a ruat a ni, a thlawn lo ania” an tihte chu a ropui kan ti hle mai. A thling thlak theilo mah ila, he hmalakna hi a hlawhtling ah kan ngai a, he thu buaipui anih lai thlengin heng thilpek te hmang hian an la inenkawl ve zel a ni.

Damdawiin an chhuahsan :

Annie hian lem ziah a tui avângin a Patea hian lem ziahna tur te lei sakin damlo chungin lem a ziak reng zel mai ṭhin a. Pathian zârah tunah chuan Hospital pawh chhuahsan ve tawh in amah pawh a harh ṭha in a fel khawp mai, an in check up hnuhnun ber khân D-Dimer test an nei a, result hi kan la ngaichang mek zel a ni.

He report i chhiar meuh chuan Annie-i pawh a dam ṭha lehzual tawh ngeiin kan ring. Annie-i tân vawikhat tal i ṭawngṭaipuina kan ngen e.

English

Annie Lalngaihsaki was born on December 15, 2016, as the third child among four siblings to Mr. Lalbiakliana (L) and Mrs. Zorinpuii. Regrettably, her father passed away due to hyperpyrexia on January 2, 2020 and her mother has since remarried. Subsequently, Annie and her two elder siblings are now being cared for by their paternal uncle, Mr. Zobuaithanga and are now currently residing in Vathuampui, Lawngtlai.

How her illness began:

In September 2023, Annie experienced vomiting accompanied by fever, stomach pain and body ache. She was taken to Christian Hospital, Lawngtlai, where she was diagnosed with typhoid and admitted immediately. After receiving proper medical care, she was discharged from the hospital.

Although her family hoped and believed she would recover with time, Annie fell ill again in November 2023 with the same symptoms as before. Due to financial difficulties, they were only able to travel to Lawngtlai on December 12, 2023. Upon arrival, as there were no available beds at Lawngtlai Civil Hospital, she was once again admitted to Christian Hospital, where she was diagnosed with typhoid and received appropriate treatment.

However, despite completing the full course of treatment, there was no sign of improvement in her condition. When a lump was found near her ear, she was referred to Christian Hospital, Serkawn, for further examination and care.

After staying at Christian Hospital, Serkawn for two days, she was referred to Zoram Medical College, Falkawn, as the facility was unable to carry out a biopsy.

On May 16, 2024 at 1:45 a.m, medical investigation commenced at Zoram Medical College, Falkawn. Based on the biopsy result, it was concluded that Annie would need a bone marrow transplant. The estimated cost of the procedure was at least ₹ 10,00,000/- (Ten Lakhs).

How our paths crossed:

Understanding their difficult circumstances, the doctors and nurses felt deep empathy for the family and reached out to Zo Inspiration Foundation for assistance. We visited them at Zoram Medical College, Falkawn on November 7, 2024. They had only ₹10 at the time, so we provided funds for their immediate needs. On the next day, i.e. November 8, 2024, we began a fundraising campaign for them.

Our fundraising campaign for Annie Lalangaihsaki raised a total of ₹6,61,227/- (Six Lakhs Sixty-one Thousand Two Hundred and Twenty-seven) which was made possible by the generosity of our donors. The donation was handed over to them on November 18, 2024 at ZMC, Falkawn.

Going forward with Hope:

We were disheartened as the funds we have raised for Annie’s bone marrow transplant was insufficient to cover the surgery. However, seeing the genuine happiness on Annie’s and her uncle’s face gave us strength and boosted our spirit.

We found it profoundly moving when they said “The Lord has always provided us with what we need; this is not a futile effort”. We consider this initiative a success, even if the bone marrow transplant cannot take place at this time. Annie is receiving essential ongoing medical care thanks to the generosity of the donors, even while this report is being prepared.

She was discharged:

As Annie has a deep love for drawing, her uncle supported her by buying her art supplies and she continues to draw despite her illness. By God’s grace, she has since been discharged and is now feeling better and doing well. Her most recent check-up included a D-Dimer test and we are currently awaiting the results.

By the time you read this report, we believe that Annie will be well and in good health. We humbly ask that you keep her in your thoughts and prayers, even if only once.