A chanchin tawi

Pu Pradeep Lama hi kum 39 mi niin, hnam dang Hindu sakhua atanga Kristian a inlet a ni. Zemabawk vengah amah a khawsa in Kristian a a inleh vang hian a chhungte tuithlar a tawk hial a ni. Zemabawk Pioneer Camp ah labour hna thawkin a inhlawh fa thin a, quarter ah amaha khawsa in a theih ang angin ei a dap ve thin.

Thuampui Venglai, Masihi Sangati te'n buaipui chawtin a damloh hnu phei chuan an phak tawk a enkawlin damdawi Inah te awmpui, chaw eiturte an kensak thin a, enkawltu chhungte neilo ta chu anni hian an kut ken chho ta a ni.

A natna chungchang

Vanduaithlak takin a 'Phîng' ah cancer hmuhchhuah a ni a, Aizawl Civil Hospital ah enkawl nghal a ni a. A hnu deuah Zemabawk Cancer Hospital ah sawn phei leh a ni. January, 2026 khan a cancer chu zai a ni a, amaherawh chu dam lam pan thei mai loin zual lam a pan emaw tih mai tur a ni.

Kan va tlawh

April 15, 2026 khan Zemabawk Cancer Hospital ah kan va tlawh ta a, a puala thilpek kan dawn cheng 20,000/- kan va hlan nghal bawk a ni. Amah enkawltu ber Thuampui Venglai, Masihi Sangati te chuan Pu Pradeep Lama enkawlna tur pualin sarep zuara sumtuak an tum thu te kan dawng bawk a ni.

A hun hnuhnung

Tichuan, hun engemaw chen damdawin in lama a in enkawl tawh hnuah May 16, 2026 chawhma dar 10:30 AM khan Zemabawk Cancer Hospital-ah chatuan ram min lo pan san ta a. A ruang hi May 16, 2026 dar 12:00 PM ah Thuampui Venglai Presbyterian Kohhran Hall-ah an vui liam ta a ni.

Pu Pradeep Lama hi a damloh chhung zawng hian a thisen zawmpui tumah buaipuitu a nei lo a, an zaina hliam chu na a tih em avangin patling meuh pawh a mittui a tla fo a ni. A thih thlengin Krista pasaltha niin, rinawm taka a hnung a zui Pa angchhungah thlamuang takin a chawl ta a ni.